sesorah bahasa jawi

SESORAH PERPISAHAN KELAS IX

Assalamualaikum Wr. Wb

Saderengipun kula matur kathah-kathah sumangga kita sedaya sesarengan monjukaken puji syukur wonten ing ngarsanipun Gusti Ingkang Maha Asih, wit saking sih kanugrahanipun ingkan sampun kaparingaken dhumateng kita sedaya saengga kita saged makempal wonten papan punika.

Bapak, Ibu para rawuh lan para sedherek ingkang kula hormati. Kapareng matur  wekdal menika kula wakilipun kelas sanga ngaturaken agunging panuwun saha sugeng rawuh wonten ing adicara perpisahan menika.
Bapak ibu guru ingkang pantes tinulad sinudarsana, mboten kanyana sampun tigang tahun panjenengan didhik kula lan kanca- kanca kanthi kesabaran lan maringi ilmu ingkang katah kang migunani dateng pasrawungan sedaya kala wau diparingaken tanpa pamrih.
Dene kula lan kanca- kanca mboten saged mbales jasa- jasanipun panjengan sedaya. kula lan kanca-kanca namung saged ngaturaken mugi- mugi Gusti Kang Maha Kuasa paring piwales tumrapkawigatosan lan ilmu ingkang sampun panjenengan paringaken dhuamteng kula sami.
Ing mriki, kula makili kanca- kanca nyuewun pamit shaha pangestunipun mugi- mugi kula lan kanca- kanca pinaringan panggenan pawiyatan ingkang becik, kados ingkang kula lan kanca- kanca kersaaken.
kanca- kanca kelas sanga,kula pesen kangge sedaya kemawon, aja ngantos “pedhot-kekancan” supados kita tetep rerembagan kayata sakderengipun kita pisah.
Ing pungkasaning atur, kula lan kanca- kanca nyuwun  pangestu lan agunging samudra pangaksami dhumateng Bapak, ibu guru, menawi kula sak kanca kathah kesalahan wiwit tigang tahun niki.

Mbok bilih wonten kalepatan saha kekirangan kula nyuwun agunging samudra pangaksami.
Wassalamualaikum Wr. Wb